Lazim Destani ka pasur një festë private në ambientet e kompanisë së tij ‘Ecolog’ në Tetovë ku ka ftuar personalitete dhe zyrtarë nga Kosova, Shqipëria dhe Maqedonia, transmeton Telegrafi Maqedoni.
Festa ka qenë e karakterit të mbyllur dhe janë ftuar vetëm mysafir të zgjedhur nga familja Destani. Arsyeja e festës ende nuk dihet. Për ”rrjedhjen” e informacionit nga festa në ”Ecolog” janë kujdesur këngëtarja Jehona Shaqiri, dhe ministri i Ekonomisë në Maqedoni Driton Kuçi të cilët kanë publikuar fotografi në lidhje me këtë festë.
Jehona Shaqiri ka shkruar ”Ekollog Private. Gjithashtu ishte dhe Kryetari(the President) i Kosoves mysafir.”
Ministri Kuçi ka publikuar një fotografi nga ambientet e ”Ecolog” me presidentin Thaçi ku pas shihet Tetova. Kuçi ka vendosur që të sponsorizoj postimin e tij në Facebook ku ai shihet me presidentin Thaçi./Telegrafi/
