Presidenti i vendit, Hashim Thaçi po qëndron në Zvicër ku po merr pjesë në formonin botëror Davos.
Ai sot është takuar me Komisionerin e Bashkimit Evropian për Zgjerim dhe Politikë Evropiane të Fqinjësisë, Johannes Hahn.
Thaçi përmes një postimi në Facebook, ka shkruar se Hahn i ka rikonfirmuar perspektivën e sigurt të Kosovës për integrim në BE.
Postimi i plotë:
Komisioneri i Bashkimit Evropian për Zgjerim dhe Politikë Evropiane të Fqinjësisë, Johannes Hahn, në një takim në Davos më rikonfirmoi perspektivën e sigurt të Kosovës për integrim në BE, njëjtë sikurse për vendet e tjera të Ballkanit Perëndimor.
Ai më garantoi se kjo perspektivë e sigurt do të reflektohet edhe në Strategjinë për Zgjerim të BE-së për shtetet e Ballkanit Perëndimor.
Ne gjithashtu u pajtuam sërish për domosdoshmërinë e ratifikimit sa më të shpejt të marrëveshjes për shënimin e vijës kufitare me Malin e Zi, e cila i hap rrugë liberalizimit të vizave për qytetarët e Kosovës. /Telegrafi/
