Presidenti i Kosovës, Hashim Thaçi ka falënderuar presidentin amerikan Donald Trump për rolin e tij në nënshkrimin e marrëveshjes për linjën e fluturimeve në mes të Prishtinës dhe Beogradit.
Në postimin e tij në Twitter, Thaçi tha se roli i Trumpit në sigurimin e paqes dhe stabilitetit në rajon është i domosdoshëm.
“Faleminderit Presidenti Trump. Roli juaj për paqen dhe stabilitetin është i domosdoshëm”, ka shkruar Thaçi.
Thank you President Trump. Your role for peace and stability is indispensable. https://t.co/zAQ6fcbEeh
— Hashim Thaçi (@HashimThaciRKS) January 21, 2020
Presidenti amerikan, Trump përmes një postimi në Twitter e quajti marrëveshjen e djeshme si historike.
Trump ka falënderuar këshilltarin e tij për siguri kombëtare, Robert O’Brien si dhe ambasadorin amerikan në Berlin, Richard Grenell. /Telegrafi/