Presidenti i vendit, Hashim Thaçi, ka bërë homazhe te varri i veprimtarit Adem Demaçi.
Thaçi ka thënë se Demaçi gjithë jetën ia kushtoi ndërtimit të shtetit të Kosovës.
“U bë një vit pa simbolin e rezistencës kombëtare, Adem Demaç,i që gjithë jetën ia kushtoi lirisë, pavarësisë, ndërtimit të shtetit të Kosovës, njeriut të orientimit euroatlantik, mund të themi lirisht edhe themeluesit e babait të pavarësisë së Kosovës”, ka thënë ai, përcjell Telegrafi.
Sipas tij çdo nderim për Adem Demaçin është nderim për sakrificën e të gjithë atyre njerëzve që kanë rënë për lirinë e Kosovës, dhe për marrjen e energjive të reja që të lëvizim sa më shpejt në konsolidimin e brendshëm dhe të jashtëm të Kosovës.
“Vlera dhe kontributi i angazhimit të Adem Demaçit do të nderohet dhe do të kujtohet gjithmonë nga shteti i Kosovës, sikur që është sot me nderime shtetërore. Në të njëjtën kohë do të jetë një vlerë e respektuar dhe e çmuar lartë nga i gjithë kombi shqiptar, sikur që do të jet i vlerësuar gjithmonë në përjetësi nga bota demokratike. Çdo nderim për Adem Demaçin është nderim për sakrificën e të gjithë atyre njerëzve që kanë rënë për lirinë e Kosovës, për luftën e UÇK-së, për vuajtjet e kaluara në burgje e kazamatet serbe, e në të njëjtë kohë është edhe marrje e energjive të reja që të lëvizim sa më shpejt në konsolidimin e brendshëm dhe të jashtëm të shtetit tonë në përspektivë të sigurt për në NATO, Bashkim Evropian, dhe raporte të përhershme me SHBA-në”, ka thënë ai./Telegrafi/