Ish-reprezentuesi i Argjentinës dhe ylli i shumë klubeve evropiane, Carlos Tevez, është shtruar në spital pas dhimbjeve në gjoks.
40-vjeçari, një nga vetëm 14 futbollistët që ka luajtur për Manchester United dhe Manchester City, e kaloi natën në një klinikë në Buenos Aires pasi kërkoi ndihmë mjekësore.
Ai do t’i nënshtrohet më shumë testeve sot (e mërkurë) në një spital tjetër aty pranë.
Klubi që menaxhon sulmuesi i pensionuar, skuadra argjentinase Independiente, konfirmoi pranimin e tij në spital brenda natës pasi tha se rezultatet fillestare kishin qenë ‘të kënaqshme’.
Carlos Tevez admitted to hospital in Buenos Aires after suffering chest pains… with the ex-Man United and Man City forward set to undergo further tests https://t.co/cCM2OEiF09
— Mail Sport (@MailSport) April 24, 2024
Raportet lokale i kanë lidhur problemet me stresin. Tevez ende nuk ka bërë ndonjë koment zyrtar.
“Trajneri ynë, Carlos Tevez, shkoi në spitalin La Trinidad në San Isidro me dhimbje gjoksi. Ata kanë kryer testet përkatëse dhe kanë qenë të kënaqshme. Sot ai do të vazhdojë me një sërë analizash të planifikuara paraprakisht si pjesë e një kontrolli të përgjithshëm”, thuhej në njoftimin e parë të klubit Independente.
“Carlos Tevez do të shtrohet në spital si një masë paraprake derisa të përfundojnë testet përkatëse”, ishte postimi i mëvonshëm i klubit argjentinas.
Carlos Tevez quedará internado por precaución hasta que termine de realizarse los estudios correspondientes. https://t.co/Xf3tVa6wXH
— C. A. Independiente (@Independiente) April 24, 2024
Nuk ishte menjëherë e qartë nëse ai do të ishte në gjendje të merrte pjesë në një seancë stërvitore të planifikuar për më vonë sot.
Spitali ku ai do t’i nënshtrohet testeve të mëtejshme është emëruar si Spitali Finochietto në Buenos Aires.
Mësohet se Tevez vuan nga presioni i lartë i gjakut dhe i nënshtrohet rregullisht kontrolleve mjekësore.
Ai ndezi spekulime për të ardhmen e tij si trajner i Independiente pasi pezulloi një konferencë shtypi pas eliminimit të klubit nga një garë kupe në fillim të këtij muaji.
Tevez u dërgua me urgjencë në spital vitin e kaluar pas një aksidenti në familje. /Telegrafi/