Kryetarja e Komunës së Tetovës Teuta Arifi, thotë se situata e krijuar për shkak të coronavirusit e ka goditur rëndë biznesin lokal në Tetovë.
Sipas saj, Tetova është gjallëruar nga bizneset e vogla të cilët kanë pasur rëndësi të madhe për zhvillimin ekonomik.
“Mendoj se për biznesin lokal kjo është një goditje shumë e madhe. Tetova është qyteti e cila ka gjallëruar dhe ka pasur gjallërimin e vet në kuptimin e bizneseve të vogla dhe të mesme dhe si detyrime të cilat kanë dalë, rregulla të cilat kanë ardhur duke u shtuar, janë detyruar që të mbyllen. Është një pjesë e madhe e bizneseve të cilat nuk punojnë për shkak të rregullave që duhet t’i respektojnë, dhe në këtë mënyrë shumë njerëz të cilët kanë qenë në punë në këto biznese, faktikisht automatikisht kanë problem gjenerimin mjeteve të tyre”, tha Arifi për TV Shenja.
Ndryshe, sipas të dhënave të konfirmuara në Tetovë janë regjistruar 29 raste me coronavirus, prej të cilëve tre kanë ndërruar jetë.