MPB informon se gjatë natës së mbrëmshme (19.12.2021) në periudhën prej orës 18.00 deri në ora 22.00 me radar të pajisur posaçërisht për incizim në kushte nate, në territorin e SPB Tetovë është kryer kontroll i intensifikuar për sanksionimin e automjeteve që lëvizin me shpejtësi më të madhe se e lejuara, me ç’rast janë gjobitur 67 shoferë.
Nga këto, 11 automjete udhëtonin me shpejtësi mbi 50 km/h më shumë se e shpejtësia lejuar, gjashtë automjete me shpejtësi mbi 70 km/orë më shumë se e lejuara. 16 drejtues mjetesh kanë tejkaluar shpejtësinë në zonë të banuar, ndërsa 51 jashtë vendbanimeve.
Nga MPB thonë se aksionet e intensifikuara të kontrolleve vazhdojnë edhe në ditët në vijim. Ata apelojnë te të gjithë pjesëmarrësit në trafik që të respektojnë rregullat e komunikacionit dhe të kontribuojnë për rrugë më të sigurta.