Tetova po modernizohet, por ngadalë ajo po mbetet pa arkitekturën e saj tradicionale për shkak të shembjes së ndërtesave të vjetra dhe tradicionale, përcjell Telegrafi Maqedoni.
Një qytetar i cili jeton në Zvicër mendon se nëse është vullneti i mirë, ka shpresa se edhe historia e qytetit mund të ruhet. Bekim Selami është pronari i ri i shtëpisë së regjisorit maqedonas Branko Gapo, e cila është e vendosur në pjesën e epërme të Tetovës, i cili në vend që ta shkatërrojë ka vendosur që ta ruaj strukturën e saj të jashtme.
Hulumtuesi i Tetovës nga e kaluara, Darko Gavroski, tha se ky shembull duhet të jetë nxitje për autoritetet, të cilët duhet të ndalojnë së qenuri indiferent dhe të painteresuar para trendit të modernizimit të qytetit, dhe të lënë që të shkatërrohet historia e qytetit.
Deri tani askush nuk ka marrë ndonjë iniciativë ose strategji për mbrojtjen e arkitekturës tradicionale të qytetit të Tetovës./