Dy njerëz në Teksas të SHBA-së u akuzuan për vrasje kapitale, pasi detyruan një vajzë tetëvjeçare të kërcejë mbi trampolinë si masë dënimi; derisa në atë ditë ‘vlonin’ temperaturat.
Sipas CNN, përcjell Telegrafi, policia njoftoi se vajza vdiq më 29 gusht për shkak të dehidrimit.
Daniel Schwars 44 vjeç dhe Ashley Scharwz, 34 vjeçare, u akuzuan si dhe u arrestuan të hënën, për t’u vendosur më pas edhe në Qendrën e Paraburgimit të Qarkut Ector.
Policia ende nuk bëri të ditur për sa i përket lidhjes së tyre me njëri-tjetrin ose edhe me vajzën, mirëpo, anëtarët e familjes thanë se ata ishin kujdestarët e tetëvjeçares.
Një hetim ndërkohë zbuloi se të dy i kërkuan vajzës të “hidhej në trampolinë pa ndalur për një periudhë të gjatë kohore”.
Mbi të gjitha ata nuk e lejuan atë të hante mëngjes ose të pinte edhe ujë. /Telegrafi/
