Në përvjetorin e tetë, homazhe te varri i tij, pritet të bëjë sot, Isa Mustafa, kryetar i LDK-së, me bashkëpunëtor. Ata, gjithashtu do të vizitojnë familjen e Rugovës, dhe organizojnë akademi përkujtimore për nder të veprës së tij.
Homazhe te varri, i ish presidentit Rugova, do të bëjë sot edhe kryetari i Lidhjes Demokratike të Dardanisë, Nexhat Daci me bashkëpunëtorë të tjerë, transmeton KP. Ndërkohë, homazhe te varri i Rugovës, do të bëjë edhe lideri i Aleancës për Ardhmërinë e Kosovës, Ramush Haradinaj.
Në çdo përvjetor, varri i Rugovës, në lagjen ‘Velania’ në Prishtinë, është vendtakim për liderë dhe qytetarë që vlerësojnë veprën e tij.
Ibrahim Rugova u nda nga jeta më 21 janar të vitit 2006, në moshën 61 vjeçare. /Telegrafi/