Tetë persona gjetën vdekjen të mërkurën kur shoferi i një makine – e cila dyshohej se mbante emigrantë të kontrabanduar – tentoi të ikte nga policia dhe u përplas me një automjet që po vinte përballë në një autostradë të Teksasit jugor.
Sipas mediave të huaja, përcjell Telegrafi, përplasja ndodhi rreth orës 6:30 të mëngjesit kur shoferi i një Honda Civic të vitit 2009 u përpoq të shmangte policinë.
Por Civic u përplas me një Chevrolet Equinox të vitit 2015, i cili u përfshi nga flakët.
TX: A pursuit ends in a horrific head-on crash in Zavala County leaving 8 people dead— 2 of them, American citizens from Georgia who were traveling in the vehicle hit by the suspected smuggling driver in the white Honda— @TxDPS says the 21-year-old driver from Houston was… pic.twitter.com/DmIozA3RaZ
— Ali Bradley (@AliBradleyTV) November 8, 2023
Të gjithë në të dy automjetet vdiqën, sipas autoriteteve, përfshirë shoferin 21-vjeçar të Civic, i cili ishte nga Houston, dhe pesë pasagjerët e tij.
Disa nga pasagjerët ishin nga Hondurasi, ndërsa dy ishin nga Georgia. /Telegrafi/