Ky lloj testi që kushton mbi dymijë euro, paralajmëron prindërit e ardhshëm, nëse do të kenë një fëmijë me të meta, para se të vendosin ta ngjizin atë, transmeton Telegrafi.
Kompania që e ka krijuar “Genetic Carrier Test”, ka thënë se ka pasur interes të madh për këtë test, të cilin po e provojnë edhe gratë beqare.
Ky test, që tregon për sëmundjet që do t’i marrë fëmija nga prindi, po cilësohet negativ nga kritika.
“Me anë të këtij testi, aftësitë e kufizuara dhe sëmundjet, po bëhen si të papranueshme” po thuhet lidhur me këtë test.
Mirëpo, mjekët po i inkurajojnë çiftet, që të bëjnë një test të tillë, në mënyrë që të mos bartin sëmundje të pashërueshme, tek fëmijët e tyre.
Deri në 600 sëmundje, që mund të barten nga prindi tek fëmija, mund të bëhen me anë të këtij testi të gjakut. /Telegrafi/