Tesla do të marrë afërsisht 150 milionë dollarë nga Bashkimi Evropian për të instaluar dhe zëvendësuar 7,198 pika karikimi me një fuqi prej 250 kilovatësh secila në 687 vendndodhje në 22 vende të Evropës, njoftoi Komisioni Evropian.
Në total, thirrja për propozime e Objektit të Infrastrukturës së Lëndëve Djegëse Alternative (AFIF) pa 26 projekte të përzgjedhura për një mbështetje totale të grantit të BE-së prej mbi 377 milionë dollarë, transmeton Telegrafi.
Kompania amerikane e veturave elektrike mori dy projekte, një i dorëzuar nga Tesla Itali dhe një nga Tesla Poloni. Kështu, firma e drejtuar nga Elon Musk mori pjesën më të madhe të financimit total në dispozicion, afërsisht 44 për qind.
Projekti i filialit italian synon të vendosë 6,458 pika karikimi ku secila do të ofrojë 250 kW në 613 vendndodhje në 16 shtete (Austri, Belgjikë, Bullgari, Gjermani, Spanjë, Finlandë, Francë, Irlandë, Itali, Letoni, Lituani, Luksemburg, Holandë, Rumani , Sllovaki dhe Suedi) përgjatë Rrjetit Rrugor Kryesor dhe Gjithëpërfshirës.
Në të njëjtën kohë, filiali polak do të marrë fonde nga BE për të instaluar ose zëvendësuar 740 pika rimbushjeje me një prodhim prej 250 kW secila në gjashtë vende (Çeki, Greqi, Kroaci, Hungari, Poloni dhe Slloveni). /Telegrafi/