Tesla ka lansuar zyrtarisht ‘përshtatësin’ e saj për karikim CCS për 250 dollarë, duke iu mundësuar shoferëve të Teslës të kenë qasje në stacionet publike të karikimit. Ky është një produkt që pronarët e Tesla-s e kanë kërkuar prej kohësh.
Vitin e kaluar, Tesla ka treguar se është gati të hapë rrjetin e saj Supercharger për automjetet elektrike që nuk janë Tesla, transmeton Telegrafi.
Ky ka qenë një shqetësim për pronarët e Tesla-s pasi do të rrisë trafikun në stacionet Supercharger. Për më tepër, nuk funksionon në të dyja mënyrat, pasi pronarët e Teslës nuk kanë qasje në shumicën e stacioneve të karikimit që nuk janë për veturat Tesla për shkak se janë të pajisur me lidhës CCS.
Në vitin 2020, Tesla njoftoi se një ‘përshtatës’ CCS1 po vjen, por ai ishte i disponueshëm vetëm në Kore, për disa arsye.
U deshën dy vjet, por tani Tesla më në fund ka lançuar ‘përshtatësin’ CCS në Amerikën e Veriut me një përditësim në dyqanin e saj online:
Tesla shkruan për ‘përshtatësin’ Tesla CCS Combo 1 në përshkrimin e produktit:
“Zgjeroni opsionet tuaja të karikimit të shpejtë me ‘përshtatësin’ Tesla CCS Combo 1. Përshtatësi ofron shpejtësi karikimi deri në 250 kW dhe mund të përdoret në rrjetet e karikimit të palëve të treta”. /Telegrafi/
