Atentatori i sulmit të kryer mbrëmjen e së enjtes në Nisë është neutralizuar nga dy policë francezë, njëri prej të cilëve ishte femër.
Lajmin e bën të ditur “Radio Europe 1”, e cila citon deputetin republikan, Eric Ciotti.
Sipas mediave franceze, Mohamed Lahouaiej Bouhlel, 31 vjeç, u shkaktoi vdekjen 84 personave në Nice, kur u fut me kamion me një shpejtësi 80 km/orë në mes të turmës që po festonte.
Ka qenë një person ende i paidentifikuar, i cili ka ndihmuar dy punonjës të policisë të bëjnë neutralizimin e atentatorit, duke shmangur rritjen e numrit të viktimave, përcjell Shekulli.
“Një person hipi mbi kamion për ta ndaluar. Kjo u krijoi mundësinë policëve ta neutralizonin në moment. Nuk do ta harroj kurrë fytyrën e asaj gruaje”, ka thënë Ciotti, i cili gjithashtu kërkoi që presidenti francez të shpallë menjëherë gjendjen e emergjencës së përhershme.
https://www.youtube.com/watch?time_continue=1&v=B6v9HgR3hhg
