Tërmeti në Turqi, gjashtë të vdekur dhe më shumë se 200 persona të lënduar

Të paktën gjashtë persona ndërruan jetë në Turqinë perëndimore, pasi një tërmet i fuqishëm goditi Detin Egje të premten pasdite.

Sipas medieve të huaja, përcjell Telegrafi, si pasojë e këtij tërmeti rreth 20 ndërtesa u shkatërruan vetëm në qytetin e Izmirit.

Ndërkohë, përpos viktimave si dhe dëmeve materiale, agjencia e katastrofave në vend ka deklaruar se më shumë se 200 persona pësuan lëndime.

Izmir për pak minuta u shndërrua në “lumë” nga sasia e madhe e ujit të detit që përfundoi nëpër lagjet e banuara, e pamjet amatore shfaqin qytetarët duke qëndruar mbi rrënoja nga frika se uji mund t’i marrë me vete. /Telegrafi/