Në qytetin e Kurbinit korrespondeti i Panorama raporton se si pasojë e termetit ka humbur jetën një qytetar.
Mësohet se banori në Kurbin është hedhur nga banesa për shkak të panikut nga termeti.
Këtë informacion e ka konfirmuar dhe Ministria e Mbrojtjes.
“Sipas informacioneve te deritanishme, nje person ka humbur jeten ne Kurbin pasi eshte hedhur nga banesa per shkak te panikut”, bën të ditur ministria e Mbrojtjes, shkruan Panorama.
Për të njëjtin informacion ka raportuar edhe TopChannel, sipas të cilit medium është konfirmuar viktima e parë si pasojë e tërmetit që ka rënë mëngjesin e sotëm.
Korespodentja e Top Channel ka bërë me dije se në Kurbin një person ka rënë nga ballkoni dhe si pasojë ka humbur jetën.
Po sipas këtij mediumi, situata më alarmante është në Durrës, ku deri më tani fatmirësisht nuk raportohet asnjë viktimë. /Telegrafi/