Tërmeti në Bosnje dhe Hercegovinë, konfirmohet viktima e parë – është një 27-vjeçare

Nga një tërmet që ndodhi në orët e vona të së premtes me epiqendër në Bosnjë dhe Hercegovinë është shënuar edhe viktima e parë.

Sipas medieve të Bosnjë dhe Hercegovinës, përcjell Telegrafi, bëhet fjalë për një vajzë nga Stoca, në shtëpinë e së cilës ra një gur i madh.

Dhe familjarët e saj kanë konfirmuar për Klix.ba se vajza fatkeqësisht ka ndërruar jetë.

Siç bëhet e ditur, vajza, me inicialet E.S. kishte lindur më 1994.

Lexo po ashtu Tërmeti i fuqishëm me epiqendër në Bosnje dhe Hercegovinë, ndihet në shumë shtete të rajonit

Ajo u transferua në Spitalin Kantonal në Mostar por mjekët mund të konstatonin vetëm vdekjen e saj.

Ndërkohë prindërit dhe motra e saj raportohet se u lënduan lehtë.

Veç vdekjes së saj, mediumi në fjalë raporton se ka edhe të lënduar, në Stolac, Ljubinje dhe qytete të tjera të Hercegovinës.

Ndryshe, dridhjet janë ndier edhe në Kosovë dhe vende të tjera të rajonit. /Telegrafi/