Ishulli Mindanao, që ndodhet në pjesën jugore të Filipineve, është goditur sot nga një tërmet me magnitudë 6.8 ballesh, ndërsa gjeologët thonë se e njëjta pjesë është tronditur nga tërmetet edhe gjatë muajit tetor.
Njerëzit që nxituan të iknin nga shtëpitë dhe restorantet, mbushën rrugët e qytetit Davao, që është shumë i populluar, teksa Instituti Filipine për Vullkanologji dhe Sizmologji kanë thënë se po presin dëme, transmeton Telegrafi.
Instituti Sizmologjik i Shteteve të Bashkuara, që fillimisht raportoi se magnituda e këtij tërmeti ishte 6.9 shkallë, ka bërë të ditur se nuk ka frikë nga ndonjë cunami.
Filipinet vuajnë nga dridhje të rregullta, si pjesë e “Unazës së Zjarrit” të Paqësorit, një hark me aktivitet intensiv sizmik, që shtrihet nga Japonia përmes Azisë Juglindore dhe pellgut të Paqësorit.
Gjatë muajit tetor, e njëjta zonë është goditur tri herë nga tërmetet me nga 6.0 shkallë, që lanë të vdekur mbi 20 persona, derisa lënduan shumë të tjerë. /Telegrafi/
WATCH: A powerful quake was felt at Marco Polo Hotel in Davao City on Sunday. | Video courtesy of Vberni Regalado pic.twitter.com/U7zJt8wfu1
— The Philippine Star (@PhilippineStar) December 15, 2019
