Tërmeti i fuqishëm me epiqendër në Bosnje dhe Hercegovinë, ndihet në shumë shtete të rajonit

Një tërmet me magnitudë 6 ballë të shkallës Rihter është regjistruar sonte në orën 23.08 në Bosnje dhe Hercegovinë.

Kështu ka njoftuar Qendra Sizmologjike Mesdhetare Evropiane, e cila ka dhënë detajet e para.

Sipas EMSC, tërmeti ishte në zonën e Stolacit dhe është ndier në të gjithë rajonin, duke përfshirë Kosovën.

Lexo po ashtu Tërmet në Kosovë

Qytetarët e Sarajevës kanë shkruar në rrjetet sociale se tërmeti ka zgjatur më shumë se 30 sekonda.

Ndërkohë, shumë qytetarë të Mostarit kanë dalë nga shtëpitë e tyre pas tërmetit.

Ndryshe, aktualisht nuk po raportohet për viktima ndërsa ka pak dëme materiale. /Telegrafi/