Tërmet me intensitet prej 4,3 ballë sipas shkallës së Riterit është regjistruar sot në mëngjes në ishullin Samos në Detin Egje.
Sipas Institutit sizmologjik në Athinë, epiqendra e tërmetit është lokalizuar 17 kilometra në verilindje të ishullit, në thellësi prej dhjetë kilometrave.
Nuk ka informacione për viktima eventuale apo dëme të shkaktuara materiale. Ndërkohë, tërmet me intensitet prej 4,3 ballë sipas shkallës së Riterit, mbrëmë e goditi qytetin Janinë në Greqinë veriperëndimore.
Shkencëtarët janë të ndarë në mendime nëse tërmeti prej 5,3 shkallë, i cili të shtunën u regjistrua në rajon, ka qenë kryesori, duke marrë parasysh se pas tij janë regjistruar qindra tërmete më të vogla në rajonin e Epirit.
Për shkak të aktivitetit seizmik, shkollat, universitetet dhe shërbimet administrative në Janinë sot nuk do të punojnë.