Tërmet në Bosnje-Hercegovinë dhe Mal të Zi

Një tërmet me magnitudë 4.4 ballësh të shkallës Rihter ka tronditur mbrëmjen e sotme Bosnjë-Hercegovinën dhe Malin e Zi.

Sipas të dhënave të EMSC, epiqendra e tërmetit është 26 kilometra në verilindje të Bilecës, afër Nikshiqit (Mali i Zi).

Tërmeti është ndjerë në Bileça, Gacko, Trebinjë, Nevesinje, por edhe në Sarajevë, raporton N1.

Banorët e Bosnjës dhe Hercegovinës thonë se kanë ndjerë një tërmet të fortë dhe të shkurtër, ndërsa ata nga Mali i Zi thonë se ka qenë më i gjatë.

Ai u pasua nga dy tërmete të tjera me magnitudë 2.1 dhe 3.4 në orën 21:13 dhe 21:23.

Ndryshe, autoritetet e dyja vendeve nuk kanë raportuar deri më tani për viktima apo dëme materiale. /Telegrafi/