Site icon Telegrafi

Tërmet me magnitudë 4.3 shkallësh në Los Angeles

Nol Elshani

Një tërmet me magnitudë 4.3 u regjistrua mbrëmjen e së premtes pak para orës 20:00. në Carson, sipas Shërbimit Gjeologjik të SHBA.

Tërmeti prodhoi lëkundje që konsiderohet e moderuar në Shkallën e Modifikuar të Intensitetit Mercalli në zona të gjera të Carson, Torrance, Wilmington, Gardena dhe Compton.

Një lëkundje e tillë e moderuar mund të bëjë që enët dhe dritaret të prishen dhe të përmbysin objekte të paqëndrueshme.


Lëkundje të lehta ose të dobëta u ndjenë përmes pellgut të Los Angeles, Orange County dhe luginave San Fernando dhe San Gabriel.

Tërmeti u përqëndrua në Carson dhe bëri që rafineria Marathon Petroleum në 223rd Street dhe Wilmington Avenue të humbasë energjinë, sipas Jamal Kheiry, një zëdhënës i kompanisë. Si rezultat, rafineria filloi të ndizet për të djegur gazrat e tepërta – të cilat ndriçuan qiellin e natës dhe shkaktuan shqetësim midis banorëve në Carson dhe më gjerë.

Ndryshe, në dhjetë ditët e fundit, ka pasur dy tërmete me magnitudë 3.0 ose më të mëdha me qendër aty pranë, dhe në zonën e Los Angeles, mesatarisht pesë tërmete me magnitudë midis 4.0 dhe 5.0 ndodhin në vit. /Telegrafi/

Exit mobile version