Larry Rudolph, menaxher i vjetër i Britney Spears, ka vendosur të përfundojë bashkëpunimin me këngëtaren amerikane duke treguar se ajo dëshiron të dalë në pension.
Rudolph ka punuar me Spears për pothuajse të gjithë karrierën e saj dhe siç deklaroi ai në një letër për Jamie Spears, vendosi ta përfundojë bashkëpunimin për shkak të dëshirës së këngëtares për t’u pensionuar – shkruan Variety.
“Kurrë nuk kam qenë konservator dhe gjëra që lidhen me këtë, kështu që nuk jam njohur me shumë nga detajet nga ajo histori. Unë jam i zënë duke i ndihmuar Britneyt të përparojë me karrierën. Si menaxher i saj, mendoj se është më mirë ta përjashtoj veten time nga kjo histori, sepse mendoj se ajo nuk do të ketë më nevojë për shërbimet e mia”, ka shkruar Rudolph.
Rudolph, i cili bashkëpunon gjithashtu me Steven Tyler, grupin e tij “Aerosmith”, Pitbull dhe shumë të tjerë të famshëm, i uroi këngëtares “shumë shëndet dhe lumturi” dhe shtoi se dera e tij do të mbetet e hapur për të.
“Gjithmonë do të jem shumë krenar për gjithçka që kemi arritur në 25 vitet e fundit. Ia uroj asaj të gjitha të mirat dhe do të jem pranë saj nëse ka nevojë ndonjëherë për mua, ashtu siç kam qenë gjithmonë”, ka shtuar ai.
Kujtojmë se, sipas informacioneve të fundit, një gjykatë amerikane e ka refuzuar kërkesën e këngëtares për të ndërprerë kujdestarinë e pronës së saj, e cila ka qenë në dispozicion të babait të saj, Jamie Spears, që nga viti 2008. /Telegrafi/
