Studimi është realizuar në tre të rinj nga spitali pediatrik në Philadelphia të Pensilvanisë, të cilët vuajnë nga katarakta e zezë e Leberit (ACL)- sëmundje e pashërueshme e cila është pasojë e humbjes së receptorëve për dritë në retinë që sjell deri te humbja graduale e të parit brenda njëzet apo tridhjetë viteve.
Edhe pse pacientëve nuk u është kthyer plotësisht shikimi, këto rezultate do të kenë ndikim pozitiv në studime të mëtutjeshme për të ndryshuar mënyrën e qasjes dhe zhvillimin e mekanizmave të ri për mjekimin e ACL, por ndoshta edhe sëmundjeve tjera të retinës.
Nga ky studim, shkencëtarët kanë ardhur në përfundim se syri i të sëmurëve të cilët janë mjekuar me terapi gjenike ka qenë rreth tri herë më i ndjeshëm në dritë në krahasim me pacientët të cilët nuk kanë marrë këtë lloj terapie.