Më tepër se 4.500 firma dhe persona fizik, kompani dhe ndërmarrje publike, gjenden në listën e fundit të borxhlinjve të cilën e publikon Drejtoria e të hyrave publike, transmeton Telegrafi Maqedoni.
Radiotelevizioni i Maqedonisë, Rrugët e Maqedonisë dhe Pyjet e Maqedonisë, sërish janë në Listë. Në të gjenden edhe disa ndërmarrje komunale, në mesin e të cilëve Gostivari, Tetova, Struga, Probishtipi, ndërsa borxhli është edhe komuna e Dojranit. Në listë gjenden edhe ndërmarrjet shtetërore me humbje dhe firmat në falimentim. Një pjesë e firmave në listë janë me muaj të tërë, siç është Endustria El Azteka dhe Motor Coach industry international.
Bëhet fjalë për borxhe të arritura deri më 31 dhjetor të vitit të kaluar dhe të papaguar deri më 31 mars të vitit 2016 në bazë të TVSH, tatimit në fitim, tatimit personal, kontributet nga sigurimi i obligueshëm social, akcizave dhe doganave. Shuma e përgjithshme e borxhit është më e lartë se 120.000 denarë për personat fizik dhe veprimtaritë e pavarura dhe më e lartë se 300.000 denarë për personat juridik./Telegrafi/