Pronari i dyqanit të pajisjeve muzikore nga një paralagje njujorkeze, është akuzuar se ka shitur një kopje të paligjshme të kitarës Les Paul. Ai ka përjetuar një gjykim në parkingun e gjykatës, për shkak se ka qenë tepër i trashë për të hyrë nëpër dyert e gjykatës.
Avokati i tij ka thënë se klienti i tij 227 kilogramësh nuk ishte në gjendje të hynte në gjykatore. Gjykatësi i shtetit, Robert Doyle ka thënë se shkak i zgjidhjes së pazakontë ka qenë “problemi i tij i rëndë me peshën trupore". Gjykimi është mbajtur në qytezën Riverhead, derisa mbrojtësi ka dorëzuar edhe dëshminë mjekësore në të cilën thuhet se i padituri lëngon nga osteoartriti.
Tregtari, i cili ka thënë se nuk ndihet fajtor dhe është liruar pa kaucion ka pohuar se, për shkak të këtij rasti dhe problemeve personale me shëndet, është detyruar të mbyllte dyqanin e tij.