Një vajzë të re në Memphis të SHBA-ve tentuan ta rrëmbejnë dy burra derisa ajo po bëhej gati të futej në veturë, kur një kalimtar rasti i doli në ndihmë në momentet kritike dhe zmbrapsi sulmuesit.
Tentim rrëmbimi ndodhi të premten mbrëma rreth orës 20:00, në parkingun e një qendre tregtare në Ëest Farmington të Memphis, transmeton Telegrafi.
Dy burra kishin organizuar një pritë dhe sapo u afrua biondja, ata iu vërsulën duke tentuar ta fusin me dhunë në veturë, por një kalimtar rasti vrapon dhe nxjerrë revolen të cilën ua drejtoi rrëmbyesve.
Ata u larguan me një veturë ngjyrë hiri, kurse policia është vënë në kërkim të tyre. Vajza raportohet të ketë pësuar lëndime të lehta nga forca që ata përdorën duke tentuar ta fusin në veturë.
Policia në Memphis ka kërkuar ndihmën e qytetarëve duke u bërë thirrje t’i telefonojnë, nëse kanë çfarëdo informacioni që do të ndihmonte në kapjen e sulmuesve. /Telegrafi/
