Kamerat e sigurisë kanë filmuar momentin kur një grua e cila kishte dalur për vrapim, i kundërvihet një burri i cili e sulmon seksualisht dhe mundohet ta rrëmbej në mes të ditës në qendër të qytetit.
Gordon Lyons, 57-vjeç nga Bridgewater i Massachusetts, është arrestuar nga policia nën akuzën për tentim kidnapim, dhunë fizike dhe abuzim seksual, transmeton Telegrafi.
Pamjet e publikuar më poshtë shfaqin 37-vjeçaren duke vrapuar në trotuar, kur papritmas Lyons ndal veturën para saj dhe i vërsulet duke e sulmuar prapa shkurreve.
Megjithatë, ajo arrin të mbrohet dhe në një moment fillon të bërtas, duke krijuar panik te sulmuesi i cili dorëzohet dhe ikë nga vendi i ngjarjes nga frika se mund të kapet nga dikush.
Por, ishin pikërisht pamjet e kamerave të sigurisë që ndihmuan policinë në identifikimin dhe kapjen e tij. /Telegrafi/
