Policia angleze ka publikuar një video të filmuar nga kamerat e sigurisë, ku shihet se si një grua e shpëton një burrë nga vdekja e sigurt, i cili pasi u nervozua nga një bisedë telefonike dhe theu për tokë telefonin mobil, tentoi të kërcej në shinat e trenit që po lëvizte me shpejtësi shumë të madhe.
Në fillim të videos shihet se si burri bisedon me dikë në telefon, dhe para syve të tij kalon një çift me fëmijën e tyre në karrocë, transmeton Telegrafi.
Dhe duke parë se po shfaqte shenja të nervozës, gruaja vendosi të kthehet për ta pyetur nëse është mirë, por ai në ato momente theu telefonin për tokë.
Pas këtij veprimi ai tentoi t’i dal përpara trenit që po vinte me shpejtësi të madhe, por reagimi i kësaj gruaje është duartrokitur nga të gjithë ata që e kanë parë videon – ajo kërceu për ta kapur dhe shpëtuar nga vdekja e sigurt.
Ngjarja e tmerrshme raportohet të ketë ndodhur në stacionin e trenit në Hertfordshire, ndërkaq policia dyshon në origjinalitetin e videos duke e quajtur “një video të rreme por të edituar mirë”. /Telegrafi/
