Saffron Curtiss-McGinty nga West Midlands i Britanisë së Madhe, ka tentuar të largohet nga dyqani, duke i maskuar gjërat e vjedhura si një fëmijë të vogël në karrocë.
Adoleshentja 18-vjeçare, ka futur në një veshje fëmijësh qenin kukull dhe sipër i ka vënë jelekun e brendshëm të grave, ku ishte vizatuar fytyra e njeriut, transmeton Telegrafi.
Rrobën e të vegjëlve, ajo e ka mbushur edhe me qirinj aromatik, ëmbëlsira dhe një brushë elektrike për pastrimin e dhëmbëve.
Mirëpo, në momentin që e kanë ndaluar rojat e sigurisë, ajo është bërë e dhunshme e ka qëlluar njërin prej tyre në fytyrë.
“Është një rast abstrakt, ku gjërat e vjedhura janë maskuar sikur të jenë fëmijë”, thuhet në deklaratën e Policisë lidhur me rastin. /Telegrafi/