Një anëtar i ekipit të parashutistëve profesionistë në Tennessee të SHBA-ve, ra për vdekje në tokë derisa po tentonte të bënte akrobacione në ajër.
Richard Sheffield, 55-vjeç, ishte pjesë e ekipit të parashutistëve profesionistë që ishin mbledhur për të argëtuar turmën në Musket Bowl, një ngjarje e përvitshme që organizohet në Washington – ku ndër tjerash zhvillohej ndeshja mes David Crockett dhe Daniel Boone, transmeton Telegrafi.
Pamjet nga vendi i ngjarjes, shfaqin Sheffieldin një parashutist me përvojë, familja e të cilit ndiqte nga toka ngjarjen – duke tentuar të bëjë disa akrobacione.
Në një moment gjërat nuk shkojnë sipas planeve, dhe Shefield fillon të bie nga qielli me shpejtësi të madhe në drejtim të stadiumin ku do të zhvillohej ndeshja.
Pavarësisht se u dërgua me urgjencë në spital me shpresën se do t’i shpëtojë më të keqes, mjekët kujdestar vetëm sa e konfirmuan vdekjen e tij.
“Sot, më duket gjithçka si në ëndrra – është diçka më e vështirë e jetës time”, tha i biri i tashmë të ndjerit.
Sheffield dhe gruaja e tij Kim ishin për 38 vite të martuar dhe kanë dy djem binjakë – Stacey dhe Casey. /Telegrafi/
