Gushtin e shkuar, një 28-vjeçar në Brazil tentoi të vriste me armë të dashurën e tij, ndërkohë që kjo e fundit zgjodhi ta përqafonte e puthte në sallën e gjyqit, duke u shprehur se e ka falur dhe se është gati ta rindërtojë marrëdhënien.
E gjitha ndodhi gushtin e vitit 2019, kur 25-vjeçarja Micheli Schlosser po debatonte me të dashurin e saj Lisandro Posselt në një dyqan akulloreje në Venacio Aires, një qytet në Rio Grande do Soul, Brazil.
Vajza e akuzoi atë për tradhti, për shkak të shumë mesazheve që kish’ zbuluar në celularin e tij me vajza. Përpos kësaj vajza e akuzoi Lisandro-n për dhunë seksuale, por reagimi i tij ishte i papritur.
I riu nisi të qëllonte çmendurisht me armë, duke u përpjekur të vriste vajzën. Më pas ai u arrestua dhe u vendos në paraburgim deri në ditën e gjykimit.
Të shtunën, më 1 shkurt, përgjatë gjyqit, diçka e paparashikueshme ka ndodhur. 28-vjeçari u dënua me 7 vjet burg, por pasi i kërkoi gjyqtarit t’i bashkohej burrit në mes të gjykatës, vajza e puthi plot pasion, nën habinë e rojeve të sigurimit, avokatëve dhe publikut të pranishëm në sallën e gjyqit .
“E fal, sepse ai është i mirë”. Vajza dëshironte të justifikonte gjestin e saj në një intervistë për Gazeta do Soul”.
“Unë e fala sepse e dua, ai tashmë ka filluar të paguajë për gabimin e tij. Kurrë nuk më kishte sulmuar më parë, ka qenë gjithmonë i mirë për mua dhe isha unë që e provokova . Nga të gjithë burrat që kam pasur, ai ka qenë një nga më korrekte dhe më i sjellshëm për mua. Nuk mund të ankohem për të, ai nuk është një person i keq ”.
Burri nuk do të përfundojë në burg, sepse sipas ligjit Brazilian, kushdo që nuk ka precedent të pastër kriminal dhe nuk është dënuar me më shumë se 8 vjet burgim, nuk duhet të vuajë dënimin në burg. /tch/