Këngëtarja e madhe, Ariana Grande, së fundmi u bë temë në të gjitha mediat ndërkombëtare, teksa dështoi në realizimin e një tatuazhi të saj të fundit, në dorë.
Ajo ishte munduar të shkruaj titullin e këngës së saj më të fundit “7 Rings” në gjuhën japoneze, por e kishte shkruar gabimisht, dhe kjo gjë është vërejtur menjëherë nga fansat e saj.
Menjëherë pasi ka marrë vesh për këtë gabim, Grande është nisur për ta rregulluar, por s’i duket nuk e ka kuptuar që ka gabuar prapë, shkruan The Sun, transmeton Telegrafi.
Duke dashur të shkruajë “gisht i zjarrtë”, tatuazhisti ka shkruar në dorën e këngëtares “gishti i zjarrtë i BBC-së”, falë dy shkronjave që iu shtuan gabimisht.
Një fans në rrjetet sociale tha se Ariana Grande e rregulloi tatuazhin e saj, i cili tani thotë “gisht i qymyrit” ose që sipas Google përkthehet “një gisht i zjarrtë”, ose në kinezisht, “shtatë gishtërinj” (përkthyer nga titulli i këngës në anglisht – ‘7 Rings’).
Shumë prej fansave kanë shkruar se Ariana po bëhet qesharake me këto gabime, aq më tepër për faktin se ka ndodhur më shumë njëherë.
Ndërkohë, disa të tjerë kanë pyetur këngëtaren se pse provon të realizojë tatuazh në një gjuhë, të cilën nuk e flet dhe kupton. /Telegrafi/
