Policia e Kosovës njofton se pas një mosmarrëveshje në komunikacion, janë përfshirë në rrahje tre të dyshuar meshkuj, ku si pasojë njëri prej tyre ka pësuar lëndime trupore.
Ngjarja ka ndodhur dy ditë më parë në Gjilan. Sipas Policisë, njëri nga të dyshuarit në rast ka poseduar një pistoletë me të cilën ka kanosur të dyshuarin tjetër, transmeton KosovaPress.
Njësitet policore kanë konfiskuar një pistoletë me shtatë copë fishekë të kalibrit 9mm.
Me vendim të prokurorit dy nga të dyshuarit janë arrestuar dhe dërguar një mbajtje, ndërsa i dyshuari i tretë është liruar në procedurë të rregullt.