Në orët e hershme të mëngjesit në Ferizaj ka ndodhur një tentim vrasje.
Sipas policisë ngjarja ka ndodhur në rrugën “Gursel dhe Bajram Sylejmani“ në Ferizaj ku sipas viktimës D.I. ( 28 vjeç ), derisa ishte duke qarkulluar me veturën e tij, i dyshuari D.H. 25 vjeç , me veturë i kishte bllokuar rrugën dhe kur ka dal nga automjeti ka shtie në drejtim të viktimës, me ç‘rast predha kishte goditur xhamin e automjetit, ndërsa viktima nuk ka pësuar lëndime.
Veprimet e shpejta të hetuesve policorë, kanë rezultuar me arrestimin e personit të dyshuar.
Me këtë rast policia ka arritur të gjej dhe konfiskojë revolen me katër fishekë në karikator, (“TT prodhim jugosllav), e cila dyshohet se është përdorur nga i dyshuari.
Hetuesia është duke punuar në zbardhjen dhe në motivet e këtij rasti. Me urdhër të prokurorit, të dyshuarit i është shqiptuar masa e ndalimit policor për 48 orë. /KP/
Foto: Ilustrim