Tensioni i ndeshjes së mbijetesës ka shpërthyer në dhunë pas përfundimit të ndeshjes mes Korabit dhe Laçit, e cila përfundoi me fitoren 0-1 të mysafirëve.
Në daljen nga stadiumi “Elbasan Arena” ku u zhvillua kjo sfidë, lojtarët dhe drejtuesin e të dy ekipeve janë përfshirë në një sherr masiv, transmeton Panoramasport.
Një shkëndijë mes dy palëve ka sjellë fillimisht sharje dhe ofendime mes ekipeve, ndërsa më pas situata ka degjeneruar në një sherr banal ku janë përfshirë edhe drejtuesit më të lartë të dy skuadrave.
Situata është qetësuar vetëm pas 15 minutash, falë ndërhyrjes së forcave të rendit të cilat kanë shpërndarë dy skuadrat në autobusët e tyre.
