Ndërsa ngadalë po bien perdet e vitit 2021, ndihemi mjaft të sigurt se viti 2022 do të jetë viti i ndryshimeve të stilimit të flokëve
Për të marrë disa ide të mundshme, ne hulumtuam se cilat tendenca në botën e flokëve do të jenë të popullarizuara vitin e ardhshëm, transmeton Telegrafi.
Mega vëllim
Për vitin 2022 sugjerohet një volum glamuroz dhe ultra në stilin e një supermodeleje të viteve ‘90 dhe nëse nuk jeni mjaft e shkathët me tharëse flokësh, ju sugjerojmë të hidhni një sy këshillave për arritjen e volumit nga rrënjët.
2. Mixie
Është e lehtë për t’u mirëmbajtur, në çdo kohë dhe mund ta përshtatni shpejt me rastin. Çelësi i një modeli flokësh mixie është në pasurinë e teksturës dhe xhufkave.
3. Bobi francez
Për të marrë gjallëri dhe volum në rrënjë që nuk do të rëndojë flokët, përdorni një shkumë stilimi super të lehtë. Kjo do t’u japë flokëve forcë pa ndonjë rëndesë të dukshme.
4. Bob i papërfunduar
Çelësi është në prerje, kështu që kërkoni nga stilistja juaj një bob super të shkurtër, të prerë deri në vijën e nofullës, aq të gjatë sa të mund ta fusni përsëri pas veshëve. Është e nevojshme që çdo gjë të jetë në të njëjtën gjatësi pa formësuar rreth fytyrës.
5. Xhufkat e viteve ‘70
Vetëm imagjinoni xhufka blu të ngjyrës së mjaltit në flokë të shkallëzuar plot volum dhe balluke trendi. Ngjyra e viteve ‘70 ka tendencë të jetë pak kremoze, me tone më të buta të gjalpit, duke i ofruar një pamje të freskët stilit klasik retro.
6. Kaçurrela dhe tekstura natyrale
Para se të vendosni, sigurohuni që të merrni produkte të formuluara posaçërisht për flokë me tallaze ose kaçurrela për të përfituar sa më shumë nga tekstura juaj.
7. Flokë të holluar
Modeli i flokëve të Hailey Bieber në Met Gala është një shembull i përsosur. Për të arritur këtë model flokësh në shtëpi, mendoni t’i thani flokët në ajër. Pas larjes, aplikoni një krem për majat e thata dhe lërini flokët të thahen natyrshëm.
8. Bob klasik
Edhe pse bobi franceze do të jenë seriozisht në trend, gjithashtu edhe bobi klasike do të rikthehet në vitin 2022. Për të marrë shkëlqimin e ngjashëm, përdorni një llak mbrojtës nga nxehtësia menjëherë pas larjes, më pas thajini flokët.
9. Tonet e ngrohta portokalli
Trendet në tonet e ngrohta portokalli në flokë kanë filluar të shfaqen muajt e fundit dhe duhet të kenë një sukses të madh vitin e ardhshëm. Sigurohuni që t’ua lini flokët profesionistëve që flokët tuaj të duken me shkëlqim dhe të rregulluar.
/Telegrafi/