Tendencat e fundit të thonjve

Tendencë e këtij sezoni është përgjithësisht ngjyra e kuqe. Gjithmonë e shtruar bukur në thonj të kuruar e të shkurtër, që duhet të jenë "set" me thonjtë e këmbës, por gjithashtu edhe nuancat si: bezha, nude, rozë, etj. Ngjyrat natyrale janë gjithmonë të preferuara nga femra, të cilat ndjekin blogje të caktuara.Nëse thjeshtësia dhe cilësia e veshjeve është e një standardi të lartë, ku nuk mungojnë aksesorët, atëherë shohim një tendencë të thonjve të shkurtër, të kuruar me xhel të ngjyrave natyrale.

Nëse kjo tendencë e tejkalon thjeshtësinë e saj në ekstravagancë, atëherë kalojmë në thonj të gjatë me majë. Ngjyrat fosfor përqendrohen bukur, pa patur nevojë për zbukurime të tepërta. Këtu vëmë re, se shumë personazhe në botë, ndahen midis tyre. Ekstravaganca tek Rihanna, Rita Ora, Beyonce, Lady Gaga, etj., e demonstron më së miri këtë risi, me thonj të gjatë e shumëngjyrësh, që ndiqen me fanatizëm nga vajza të reja, që vijnë në sallonin tim.Por kemi dhe kategorinë tjetër të vajzave dhe zonjave elegante, të cilat kërkojnë thonj të kuruar me ngjyra natyrale dhe aksesorë finë.

Shumë të kërkuar në këtë stinë janë edhe aksesorët në forma të ndryshme, si fjongot apo gurët e kristalit që duhen dizejnuar dhe vendosur në përshtatje me stilin e personit. /Telegrafi/