Trajneri aktual i Ajaxit, Erik ten Hag, po shtyhet përpara si emër potencial për të marrë postin e trajnerit te Manchester Unitedi.
Sipas mediumit Le Parisien, Unitedi do të kërkojë një trajner të përhershëm në verë pas shkarkimit të Ole Gunnar Solskjaer vitin e kaluar.
Ralf Rangnick ka marrë përsipër ekipin në një cilësi të përkohshme përpara se të marrë detyrat si konsulent në klub më vonë në muajin qershor.
Objektivi kryesor i Unitedit është menaxheri i Paris Saint-Germain, Mauricio Pochettino, i cili ka shumë mbështetje në hierarkinë e ekipit.
Por, gjermani Rangnick preferon trajnerin e Ajaxit, Erik ten Hag, si zëvendësuesin e tij në krye të ekipit nga Old Trafford.
Raportet nga Franca sugjerojnë se Pochettino së shpejti do të largohet nga PSG dhe do të zëvendësohet nga Zinedine Zidane. /Telegrafi/