Gazetari rus, Oleg Blokhin ka hyrë brenda një kampi të Shteteve të Bashkuara në Siri, të braktisur nga trupat amerikane, pas urdhrit për largim nga Doland Trump.
Brenda tendave me pamje të vrazhdë, dukej se bëhej jetë komode, me televizion të sheshtë përpara foteleve të buta, krahas video-lojërave, librave si dhe disa disqe DVD, transmeton Telegrafi.
Mbi tavolinë, janë parë ushqime të ndryshme dhe pije, si dhe një listë të lokaleve të ushqimeve të shpejta, ku ofrohej pica, mish pule dhe pasta, që kushtonin nga gjashtë dollarë. Krahas gjërave tjera, ka pasur edhe shishe të zbrazëta me birrë pa alkool.
Derisa nuk ka rrobe, apo gjëra tjera personale, në kamp janë lënë disa telefona satelitorë, si dhe pajisje tjera elektrike, që janë mjaft të kushtueshme.
Forcat amerikane u larguan me nxitim, ndërsa Turqia filloi sulmet ushtarake vetëm disa ditë pas njoftimit që bëri Trump në fillim të këtij muaji, teksa forcat ruse dhe siriane tashmë kanë hyrë në zonë. /Telegrafi/
