Një burrë 49-vjeçar është arrestuar pasi dyshohet se ka bërë më shumë se 1000 telefonata “në heshtje” në numrin e urgjencës së policisë në Tokio.
“Bërja e thirrjeve të heshtura më qetëson mendjen”, tha i dyshuari, Yoshifumi Murakami, sipas policisë.
Ai u identifikua si mjek, por policia ende nuk e ka konfirmuar informacionin, shkruajnë mediat e huaja, përcjell Telegrafi.
Murakami u arrestua të martën me dyshimin se kishte ndërhyrë në punën e policisë duke bërë gjithsej 1,301 telefonata në heshtje midis 30 gushtit dhe 17 shtatorit, thanë ata, duke shtuar se ai bëri deri në 183 telefonata brenda një dite.
Policia e identifikoi telefonuesin në bazë të numrit të telefonit të përdorur.
Përveç thirrjeve të specifikuara në pretendim, hetuesit dyshojnë gjithashtu se Murakami ishte pas 1300 thirrjeve të tjera të tilla të bëra në numrin e urgjencës, tha policia. /Telegrafi/