Zugdidi të premten e kaluar në Turqi luajti miqësore me kampionin e Kosovës në futboll, Ferronikelin.
Gjeorgjia nuk njeh shtetin e Kosovës dhe lajmi se një klub nga ky vend ka luajtur miqësore me një klub nga Kosova, bëri bujë në Gjeorgji.
Reaguan mediat gjeorgjiane, që zhvillimin e miqësores e cilësuan skandal, e më pas reagoi edhe Federata e Futbollit e Gjeorgjisë.
Federata e këtij vendi doli me deklaratë se klubet e Superligës duhet të marrin leje prej saj për të gjitha miqësoret ndërkombëtare. Në të kundërtën, Federata gjeorgjiane kërcënoi se do të veprojë në pajtim me rregullat e UEFA-s e FIFA-s.