Konsumatorëve të ”Vala” do t’iu duhet të durojnë probleme teknike edhe për dy javë, pasi operaratori publik është duke kaluar në një gjeneratë të re të teknologjisë, e cila pasi të fillojë të aplikohet do t’iu ofrojë avantazhe më të mira klientëve.
Por, problemet me thirjet në këtë operator janë duke u shfaqur edhe për shkak të ndërprerjeve të energjisë elektrike në vend.
Sipas zëdhënsit të PTK-së, punët dhe aktivitetet për kalimin në këtë lloj tekonologjie, kanë filluar disa ditë më herët dhe do të vazhdojnë edhe më tutje.
”Gjatë procedurës së kalimit në teknologjinë e re NGN, ka pasur ndërprerje në realizimin e thirrjeve. Nga ana tjetër ndërprerjet janë duke ndodhur edhe për shkak të ndërprerjeve të shpeshta të energjisë elektrike që po ndodhon këto ditë. Ndaj mund të bie kualiteti i shërbimeve tona dhe kësisoj mund të keëtë telashe gjatë realizimit të thirrjeve”, tha më tutje Abazi.
Faza e implementimit të teknologjisë së re NGN do të zgjasë edhe dy javë. Pas përfundimit të implmentimit të kësaj teknologjie, zëdhënësi i PTK-së ka paralajmruar dhe nxjerrjen në treg të produkteve të reja.
”Vala në vazhdimësi do të dalë me oferta dhe produkte të reja të cilat do të jenë shumë konkuruese në tregun e telefonisë mobile në vend. Telefonia mobile në këtë mënyrë do të bëhet më e arritshme dhe e leverdishme për të gjithë”. /Telegrafi/