Ali Meçe 55 vjeç dhe Gentian Meçe 36 vjeç dyshohen të jenë përgjegjësit për zjarrin që përfshiu një hotel dhe më pas dogji edhe teatrin.
Policia tha se “dy të arrestuarit po punonin me bombul gazi në tarracën e hotelit, i cili dyshohet se është dhe shkaku i zjarrit”, raportoi Ora News.
Shkelja e rregullave të sigurisë në punë dhe shkatërrimi i pronës me zjarr janë akuzat që rëndojnë mbi të arrestuarit, babë e bir. Materialet i kaluan prokurorisë së Elbasanit për hetime të mëtejshme.
Teatri Skampa në qytetin e Elbasanit u përfshi të enjten nga zjarri dhe si pasojë është shkatërruar pjesa e brendshme e godinës./Telegrafi/