Në këtë mënyrë, qëndrimi i trupit është më i saktë dhe lëvizshmëria e ijëve, pjesës së poshtme të shpinës dhe gjunjëve përmirësohet
Qëndrimi ulur, posaçërisht në afat të gjatë, është pozicion i keq i trupit i cili dobëson muskujt, shpesh shtrembëron kurrizin, dobëson qarkullimin e gjakut dhe enët e gjakut, nuk është mirë për shëndetin e zemrës.
Megjithatë, ekspertët vërejnë se në disa kultura, njerëzit ulen në një mënyrë specifike dhe për këtë arsye kanë më pak probleme shëndetësore.
Besohet se qëndrimi ulur në dysheme, dhe veçanërisht pozicioni “ulur në mënyrën turke”, mund të na ndihmojë të shtrëngojmë muskujt dhe të drejtojmë shpinën. Ky pozicion, sado i dobishëm, ka kufizime dhe nuk rekomandohet për të gjithë, transmeton Telegrafi.
Lëvizshmëri më e mirë e ijëve
Ulja në dysheme, në mënyra të ndryshme, edhe me të dy gjunjët e përthyer, rekomandohet për fëmijët për zhvillimin e duhur, por edhe për të gjithë personat që duan të shkarkojnë kurrizin dhe këmbët.
– Në këtë mënyrë, qëndrimi i trupit është më i saktë dhe lëvizshmëria e ijëve, pjesës së poshtme të shpinës dhe gjunjëve është më e mirë.
Nuk është e nevojshme të uleni në dysheme, i njëjti pozicion është i mundur në divan dhe do të ketë të njëjtin efekt në lëvizshmëri – thotë fiziatri Dr. Christopher Bise, nga Universiteti i Pitsburgut.
Muskujt duhet të jenë mjaft të fortë
Gama e përshtatshme e lëvizjes mund ta bëjë më të lehtë kryerjen e detyrave të përditshme dhe të përmirësojë cilësinë e jetës edhe në pleqëri.
– Fleksibiliteti zvogëlohet ndërsa plakemi, ne fillojmë të ngadalësojmë. Në të njëjtën kohë, lëvizshmëria e kyçeve është e rëndësishme, ndërsa është gjithashtu e rëndësishme që muskujt të jenë mjaft të fortë për të na lejuar të lëvizim lirshëm – shpjegon Dr Bise.
Ulja në dysheme redukton dhimbjen e shpinës
Shumë profesionistë të kujdesit shëndetësor rekomandojnë uljen në dysheme si një mënyrë për të ruajtur lakimin natyral të shtyllës kurrizore, për të përmirësuar qëndrimin dhe për t’u ulur më saktë në një karrige.
Gjithashtu pretendohet se ulja në dysheme ndihmon në përmirësimin e forcës dhe fleksibilitetit. Mund të ndihmojë në shmangien ose reduktimin e dhimbjes së shpinës.
Thjesht përpjekja për t’u ulur është një ushtrim.
Thjesht përpjekja për t’u ulur në dysheme është një lloj ushtrimi, siç është edhe ngritja. Dr. Bisse beson se njerëzit e moshuar që mund të ulen në dysheme dhe më pas të ngrihen relativisht shpejt në këmbë, jo vetëm që janë më të lëvizshëm, por edhe mbrojnë veten nga rrëzimet e mundshme. Nga ana tjetër, nëse bien, do të mund të ngrihen më lehtë dhe të rikuperohen më mirë.
Ulja në dysheme gjithashtu forcon muskujt e barkut, gjë që nuk është e mundur nëse ulemi në një karrige, thotë fiziatrja Dr. Jennifer O’Connell, Spitali për Kirurgji Speciale, Nju Jork.
Kur ulemi në dysheme, nuk kemi një mbështetëse, kështu që më shumë muskuj përfshihen automatikisht në ruajtjen e pozicionit. Dr. O’Connell konfirmon se akti i qëndrimit në këmbë është një stërvitje për ijët, gjunjët dhe pjesën e poshtme të shpinës.
Ndryshoni pozicionin pas 30 minutash.
Rekomandohet që të ulemi në dysheme për rreth 30 minuta. Edhe pse ky pozicion ulur ka avantazhet e tij, rekomandohet që të lëvizim dhe të ndryshojmë pozicionin e trupit sa më shpesh të jetë e mundur.
– Njerëzit që qëndrojnë ulur për një kohë të gjatë për shkak të natyrës së punës së tyre duhet të ngrihen çdo gjysmë ore, të kapin një gotë me ujë ose të kapin një objekt. “Ndodh që të rrimë të palëvizur për më shumë se dy orë dhe të mos vërejmë presionin e shtuar në shpinë”, thekson O’Connell.
Cilët persona nuk këshillohen të ulen në dysheme?
Pavarësisht avantazheve të shumta, ulja në dysheme nuk rekomandohet për të gjithë.
– Problemet me kyçet, ijët, gjunjët janë kundërindikacion për t’u ulur në dysheme – paralajmëron doktor O’Connell.
Kujdes i veçantë këshillohet pas operacionit ose lëndimit. Ekspertët rekomandojnë që të konsultoheni me mjekun tuaj për mënyrën e ushtrimit dhe aplikimin e mundshëm të terapisë fizike. /Telegrafi/