Rrëshqitja nga pista e aeroplanit dhe më pas ndarja e tij në tri pjesë dhe përfshirja nga flakët ka shkaktuar panik te udhëtarët.
Veç kësaj, sipas mediave të huaja, përcjell Telegrafi, deri më tani është raportuar për tre të vdekur.
Gjithashtu, është bërë e ditur se dhjetëra të tjerë kanë pësuar lëndime dhe janë dërguar për trajtime në spitale.
Ndërkohë janë publikuar që tregojnë tmerrin e përjetuar pasagjerët, përkatësisht momentin pasi nxirren nga aeroplani – ku shihen edhe të përgjakur.
Bëhet fjalë për aksidentin kur aeroplani i Pegasus Airlines që po mbërrinte në Stamboll nga Izmir, gjatë aterrimit rrëshqiti dhe doli jashtë pistës, përcjell Telegrafi.
Aeroporti Sabiha Gokcen, i vendosur në anën aziatike të Stambollit, u mbyll pas incidentit por rifilloi fluturimet herët të enjten, thanë autoritetet.
Po sipas medieve turke, Boeing 737-800 u nda në tri pjesë dhe u përfshi nga flakët.
Zjarrfikësit dhe ambulancat u dërguan në vendin e ngjarjes menjëherë pas aksidentit.
Aeroplani mbante 171 pasagjerë dhe gjashtë anëtarë të ekuipazhit, sipas ministrit të Transportit, Cahit Turhan. /Telegrafi/
