Ky është momenti pikëllues kur një ushtar irakian kishte shpërthyer në lot pasi kishte zbuluar trupin e vdekur të një vajze të vogël, të vrarë nga ISIS.
Siç shkruajnë mediat e huaja, përcjell Telegrafi, trupi u gjet në një varr masiv të disa 24 viktimave në Mosul, në veri të Irakut, pasi një pjesë e qytetit të rrethuar u mor përsëri nga grupi terrorist.
Fotografitë shokuese thuhet se tregojnë vogëlushen e panjohur të mbështjellë me një batanije dhe një ushtar të pikëlluar pranë saj.
Imazhet nxjerrin në pah realitetin e tmerrshëm të sundimit ISIS në qytetin e shkatërruar nga lufta, ku ekzekutimet masive të civilëve janë kryer vetëm sepse ata tentonin të iknin në zona më të sigurta.
Thuhet se luftëtarët irakianë erdhën deri tek varri pasi ata kishin arritur rezultate të mëtejshme në betejën e tyre për të rikthyer Mosulin nga ISIS. /Telegrafi/
