Çifti i famshëm shqiptar, Getoar Selimi dhe Marina Vjollca, kanë kaluar disa ditë pushimi në Alpet zvicerane, nga ku kanë publikuar imazhe të ndryshme në rrjetet sociale.
Reperi nga Kosova është më i përmbajtur kur është fjala për publikimin e fotografive personale, por kohë pas kohe nuk mungojnë dedikimet kushtuar partneres së tij.
Në përshkrimin e një fotografie të përbashkët me Marinën, ai ka shkruar se nganjëherë personi më i fortë në ekipin tënd është femra jote.
Nga ana tjetër, prezantuesja e njohur është më aktive në Instagram, ku numëron mbi 875 mijë ndjekës.
Ndërsa nuk ka munguar edhe një fotografi me motrën e saj, Luana Vjollca, e publikuar ditë më parë me përshkrimin: “Më përqafo përgjithmonë”.
Kujtojmë që Geti dhe Marina i dhanë fund beqarisë më datën 10 shtator të vitit të kaluar.
Çifti u martua në një dasmë madhështore me shumë të ftuar, të organizuar në Gjiririn e Lalëzit në Shqipëri. /Telegrafi/
