Mediat turke raportojnë se policia ka shtënë në drejtim të një traktori para ndërtesës së parlamentit turk, pasi që shoferi kishte injoruar paralajmërimet e policisë që ta ndalë traktorin.
E përditshmja Cumhuriyet raporton se traktori kishte lëvizur në sheshin e qendrës së qytetit në Ankara, dhe se policia që përkujdeset për sigurinë e Parlamentit i kishte kërkuar shoferit që të ndalet, transmeton Telegrafi.
Televizioni turk NTV raporton se shoferi i traktorit është qëlluar në këmbë, dhe se aktualisht është duke u marrë në pyetje nga policia.
Nuk dihet se pse ky traktor kishte lëvizur nëpër qendrën e qytetit të Ankarasë. /Telegrafi/
